भिटेनको गल्ली सडक बोलको गीत युटयुब ट्रन्डिङमा पर्न सफल भएको छ। हालसम्म करिब ७ लाखले हेरिसकेको उक्त भिडियो ट्रेन्डिङ नम्बर २ मा परेको हो।

भिटेनको गीत प्राय विवादास्पद रहने गर्छ। उनको गीतमा प्रयोग भएका शब्दहरुलाई लिएर निकै बहस हुने गरेको छ। गीतका कारण उनलाई प्रहरीले पक्राउ समेत गरिसकेको छ।

यसबिच भिटेनले नयाँ गीत सार्वजनिक गरेका हुन्। दुईदिन अघि ‘गल्ली सडक’ बोलको गीतमा समीर घिसिङ ‘भिटेन’ को शब्द, संगीत र स्वर रहेको छ।

आफ्ना जीवनका घटनाहरुलाई भिटेनले गीतमा उतारेका छन्। आफू सडक र गल्लीबाट हुर्किएको देखि गीत गाउँदा सरकार र प्रहरीले आफूलाई निशाना बनाएको उनले गीतबाट प्रस्तुत गरेका छन्।

गीतको भिडियोलाई जामेस लामा र भिटेनले निर्देशन गरेका हुन्। गीतलाई लिएर समाजिक संजालमा मिश्रित प्रतिक्रिया आइरहेको छ। गीतको शब्द चयनलाई केहीले आलोचना गरेका छन् भने धेरैले गीतको भिडियोग्राफीलाई मनपराएका छन्।