बलीउड सुपरस्टार शाहरुखपुत्रलाई अदालतले १४ दिनको न्यायिक हिरासतमा पठाएको छ । क्रुज लागुऔषध प्रकरण मुद्धामा फसेका अभिनेता शाहरुख खानका छोरा आर्यन खानले अदालतबाट बिहीबार जमानत पाउन सकेनन् । अदालतले उनको जमानत निवेदनलाई अस्वीकार गरेको छ । अदालतको आदेशमा आर्यनसहित अन्य आठ आरोपीलाई समेत १४ दिनको न्यायिक हिरासतमा पठाइएको छ ।

आर्यनसहित बाँकी सबै आरोपीहरुले आजको रात एनसीबीको भवनमा बिताउनुपर्नेछ । आर्यनसहित ७ व्यक्तिलाई अक्टोबर ११ सम्म हिरासतमा राख्नका लागि एनसीबीले अदालतसमक्ष समय मागेको थियो । एनसीबीले हालसम्म छापामारीमा १६ जनालाई पक्राउ गरिसकेको छ ।