सरकारले भ्वाइस अफ नेपालका विजेता किरण गजमेरलाई विमानस्थलबाट फर्काइएको छ । पछिल्लो समय उनी भ्वाइस अफ नेपालको विजेता भएपछि बा–आमालाई भेट्न अमेरिका गएका थिए । गजमेर अमेरिकाबाट कतार हुँदै सोमबार कतार एयरको जहाजबाट नेपाल आएका थिए ।

उनी भिजिट भिसामा आएर २ सय ७० दिनभन्दा बढी बसिसकेका थिए । अध्यागमनको नियम उल्लंघन गरेकाले उनलाई विमानस्थलबाट फर्काइएको त्रिभुवन अन्तरर्राष्ट्रिय विमानस्थल अध्यागमन कार्यालयले जनाएको छ । गजमेरले आगामी जनवरीदेखि मात्र नेपाल प्रवेश पाउनेछन् ।

गजमेर भिसा अवधिभन्दा बढी बसेका थिए । नेपालले विदेशी नागरिकलाई भिजिट भिसामा न्युनतम १५० दिनभन्दा बढी बस्न नपाउन व्यवस्था गरेको छ । गजमेर भुटानी शरणार्थीलाई तेस्रो मुलुकमा पुर्नबास गराउनेक्रममा अमेरिका पुगेका थिए ।