बलात्कार आरोपमा नायक पल शाहविरुद्ध मंगलबार तनहुँ जिल्ला अदालतमा मुद्धा दर्ता भएको छ । जिल्ला सरकारी वकिल कार्यालयले मुद्धा दर्ता गरेको हो ।नायक शाह माथि १४ वर्ष कैद सजाय माग गरिएको छ भने उनका म्यानेजर रहेका कृष्ण जोशीमाथि शाहको भन्दा आधा कैद सजायको माग गरेर मुद्धा दर्ता गरिएको छ ।

शाह माथि यस अघि नवलपुर जिल्ला अदालतमा पनि जबरजस्ती करणीको मुद्धा दर्ता भएको थियो । नाबालिग गायिकामाथि जबरजस्ती करणी गरेको अभियोग लागेका शाह गत फागुन १५ गते पक्राउ परेका थिए ।