भारतीय चलचित्र जगतका दिग्गज गायक तथा संगीतकार बप्पी लहरीको निधन भएको छ । उनको बुधबार बिहान ६९ वर्षको उमेरमा उपचारको क्रममा मुम्बईको एक अस्पतालमा निधन भएको भारतीय सञ्चार माध्ययमले जनाएका छन् ।

लहरी एक महिनाको लामो उपचारपछि गएको सोमबार मात्रै अस्पतालबाट डिस्चार्ज भएका थिए । तर फेरि स्वास्थ्यमा समस्या देखिएपछि मंगलबार राति उनलाई अस्पताल लगिएको थियो । बप्पी लहरी भारतमा डिस्को किंगको नामले पनि चर्चित छन् । बलिउड गीत संगीत क्षेत्रमा सक्रिय लहरीका आइ एम अ डिस्को डान्सर, यार बिना चेन कहाँ रे, रात बाँकी, बुम्बइ से आया मेरा दोस्त लगायत गीत चर्चित छन ।

पछिल्लो समय भारतले गीत संगीतको क्षेत्रमा ठूला हस्तीहरुलाई गुमाएको छ । एघार दिन पहिले मात्रै भारतीय चर्चित गायीका लता मंगेशकरको निधन भएको थियो ।