कमेडी च्याम्पियन सिजन २ को विजेता भरतमणि पौडेलले पूर्व युवराज पारससँग भेट गरेका छन् । पूर्व युवराज पारसको शाहको क्यारिकेचर गरेर पौडेलले वाहीवाही बटुलेका थिए । उनीहरुबीच काठमाडौंको दरवारमार्ग स्थित शेर्पा मलमा भेट भएको थियो ।

भेटपछी भरतमणिले आफू पूर्व युवराजको झन ठूलो प्रशंसक भएको बताएका छन । भरतमणिले फेसबुक मार्फत दिएको जानकारी अनुसार भेटमा कमेडी च्याम्पियन सिजन एकका उपविजेता सुमन कार्की पनि रहेका थिए । उनले पूर्वयुवराज शाहसँग भेटघाट गर्ने अवसर मिलेकोमा निकै खुशी व्यक्त गरेका छन् ।