मेलोडी स्टार कम्पीटीसनको उपाधि काठमाडौका जेनी श्रेष्ठले जितेकी छिन् । पेप्सीकोला स्थित स्टार बैंकेटमा भएको फिनालीमा श्रेष्ठले उपाधि जितेकी हुन्। यस्तै इलामका बिशेन तामाङ दोस्रो, झापाका श्याम दनुवार तेस्रो र मोरङका चित्र मगर चौथो भएका छन् । प्रतियोगिताको विजेताले ५० हजार नगद पुरस्कारसहित दुई वटा म्युजिक भिडियो र गीत गर्न पाउनेछिन् ।

यसैगरी दोस्रो हुनेले ३० हजार नगदसहित एउटा म्युजिक भिडियो र गीत गर्न पाउनेछन्भने तेस्रो हुनेले ३० हजार नगदसहित एउटा गीत गाउन पाउने भएका छन् । लाइफ ओके टेलिभिजनले आयोजना गरेको प्रतियोगितामा देशभरबाट १०० जना
प्रतियोगी सहभागी भएका थिए । जसमध्ये मेगा अडिसनबाट ३६ जना छनोट गरिएको आयोजकले जनाएको छ ।