कोरोना संक्रमण पछि नेगेटिभ रिर्पोट आइसकेका बिरामीमा श्वासप्रश्वासको समस्या देखिएपछि बागलुङका एक बिरामीलाई हेलिकोप्टरबाट काठमाण्डौ ल्याईएको छ ।शनिवार दिउसो बानपा १० का ७१ बर्षिय पुरुष बिरामीलाई काठमाण्डौ ल्याइएको हो ।

१७ दिनदेखि कोरोना संक्रमणबाट उपचार गाराइरहेका उनको पछिल्लो पीसीआर नेगेटिभ आइसकेपछि पनि स्वाशप्रश्वासमा सुधार नभएपछि काठमाण्डौ पठाउनु परेको मेडिकल सुपरिटेण्डेन्ट डा. शैलेन्द्र पोखरेलले बताएकाछन् । उनको साथमा अस्पतालका डा। अभिषेक वाग्ले समेत काठमाण्डौ गएका छन् । ती बिरामीलाई एयर डाइनेष्टीको हेलिकोप्टरले काठमाण्डौ स्थित ग्रिनसिटी अस्पताल पठाइएको हो ।