चीनले भारतको गलवानमा गत वर्ष भएको झडपमा आफ्ना चार जना सैनिकको मृत्यु भएको स्वीकार गरेको छ । ग्लोबल टाइम्सका अनुसार चीनको केन्द्रीय सैनिक आयोगले गत वर्षको जुनमा गलवानको काराकोरम पर्वतमा ड्युटीमा रहेका पाँच चिनियाँ सैनिकको बलिदानीको सम्झना गरेको हो ।

झडपमा पीएलए शिनजियांग मिलिट्री कमाण्डका क्यूई फबाओ, चेन होंगुन, जियानगँन्ग, जिओ सियुआन र वांग जÞुओरन गरी चारको मृत्यु भएको चिनिया सञ्चारमाध्यमले जनाएका छन । एक जनाको उद्धारको क्रममा खोलामा बगेर मृत्यु भएको बताइएको छ । चीनले गलवानमा भएको झडपमा आफ्ना निकै कम सैनिक मारिएको बताउदै आएको थियो ।

सो झडपमा चीनले ५० भन्दा बढी आफ्ना घाइते सैनिकलाई विमानबाट उद्धार गरेको बताइएको छ । घटनामा अझ धेरै सैनिक मारिएको आशंका गरिएको छ । उद्धार गरिएकाको अवस्था के छ भन्ने चीनले खुलाएको छैन । झडपमा भारतका २० सैनिक मारिएका थिए ।