जापानी खेलाडी नाओमी ओसाका अष्ट्रेलियन ओपन टेनिसको फाइनलमा प्रवेश गरेकी छिन् । मेलबर्नमा बिहीबार भएको सेमिफाइनलमा अमेरिकी खेलाडी सेरेना विलियम्सलाई हराउदै ओसाका उपाधि नजिक पुगेकी हुन् ।

तेस्रो वरीयताकी २३ वर्षकी ओसाकाले दशौँ वरीयता प्राप्त ३९ वर्षकी सेरेनालाई छ–तीन र छ–चारको सेटमा पाखा लगाएकी हुन । अब ओसाकाले फाइनलमा कारोलिना मुचोभा र जेनिफर ब्राडीबीचको विजेतासँग खेल्ने छिन् ।