वेलायतमा कोरोना सक्रमण तीव्र रूपमा बढ्न थालेको छ । मंगलबार एकै दिन बेलायतमा ६० हजार कोरोना संक्रमित थपिएका छन् भने १ सय ५० जनाको मृत्यु भएको छ । संक्रमित मध्ये केही ओमिक्रोन संक्रमित पनि रहेको वेलायतको स्वास्थ्य विभागले पुष्टी गरेको हो ।

बेलायतमा ८९ दशमलव २ प्रतिशतले खोपको पहिलो डोज र ८१ दशमलव ४ प्रतिशतले खोपको दुवै डोज लगाइसकेको तथ्यांक छ भने ४१ दशमलव ९ प्रतिशतले बुस्टर डोज लगाइसकेका छन् । कोरोना संक्रमितको संख्यामा कमी नआउँदा वेलायतमा थप प्रतिबन्ध लगाउने तयारी गरिएको छ ।

प्रधानमन्त्री बोरिस जोन्सनले बेलायती जनताको लापरवाहीका कारण कोराना महामारी पुन फैलिएको भन्दै चिन्ता व्यक्त गेरका छन् । संक्रमण रोक्नका लागि जनता आफै सचेत हुनुपर्ने भन्दै नियन्त्रणका लािग सरकार जस्तोसुकै कदम चाल्न बाध्य हुने उनको भनाई छ ।