बुल्गेरियाको स्ट्रुमा राजमार्गमा गुडिरहेको बसमा आगो लाग्दा ४६ जनाको मृत्यु भएको छ । बसमा आगो लागेपछि दुर्घटनामा परेको हो वा दुर्घटनामा परेपछि आगो लागेको हो भन्नेवारे प्रष्ट भइसकेको छैन । मृत्यु हुनेमा १२ बालबालिका समेत रहेको अन्तर्राष्ट्रिय सञ्चारमाध्यमहरुले जनाएका छन् ।

दुर्घटनामा परेका सात जनाको घाइते अवस्थामा उद्दार गरिएको छ । दुर्घटनामा मृत्यु हुने धेरैजसो आफ्ना नागरिक रहेको सोफियास्थित नर्थ मेसेडोनियाको राजदूतावासले जनाएको छ । नर्थ मेसेडोनिया बुल्गेरियाको छिमेकी मुलुक हो जुन सन् १९९१ मा स्वतन्त्र भएको थियो । टर्कीबाट नर्थ मेसेडोनिया जाँदै गरेको दुर्घटनाग्रस्त बसमा नर्थ मेसेडोनियाका ५२ जना पर्यटक सवार रहेको जनाइएको छ ।