एएफसी एशियन कप छनोट तयारीमा रहेको नेपाली राष्ट्रिय फुटबल टोलीलाई अन्तर्राष्ट्रिय मैत्रिपूर्ण खेलका लागि अखिल नेपाल फुटबल संघ एन्फाले आइतबार विदाई गरेको छ ।

एन्फाले थाइल्याण्ड प्रस्थान गर्ने टोलीलाई विदाई गरेको हो । नेपाली टोलीले अन्तर्राष्ट्रिय भ्रमण गर्दा त्यहाँको राष्ट्रिय र शीर्ष डिभिजन क्लब चोनबुरीसँगको दुई मैत्रिपूर्ण खेल्ने छ । नेपालले फिफा वरियतामा सुधार हुने गरी प्रदर्शन गर्ने नेपाली टोलीका प्रशिक्षक अबदुल्लाह अलमुताइरीले बताए ।

नेपालले चैत १० गते थाईल्याण्डको राष्ट्रिय टोली र चैत १३ गते एक शीर्ष क्लव चोनबुरीसँग मैत्रिपूर्ण खेल्दैछ । एएफसी एसियन कप छनोट अन्तर्गत तेस्रो चरणको खेल अघि नेपालले थाइल्याण्डसँग खेल्न लागेको हो ।