भारतीय राजधानी नयाँ दिल्लीमा पुनः ‘येल्लो अलर्ट’ जारी गरिएको छ । पछिल्लो समय कोरोना भाइरसको नयाँे भेरियन्ट ओमिक्रोनका संक्रमितको संख्यामा अधिक वृद्धि भएको भन्दै नयाँ दिल्ली सरकारले चेतावनी स्वरुप यो घोषणा गरेको हो ।

तर दिल्लीका मुख्यमन्त्री अरबिन्द केजारीवालले राज्यमा कोरोना भाइरसका संक्रमितको संख्यामा वृद्धि भइरहेको भए पनि आत्तिनुपर्ने अवस्था नरहेको बताएका छन् । उनका अनुशार नयाँ दिल्लीमा कोरोना संक्रमण पुष्टि हुने दर सून्य दशमलव पाँच प्रतिशतभन्दा बढी भएकाले आफूहरु ‘येल्लो अलर्ट’ जारी गर्नुपरेको हो । ‘येल्लो अलर्ट’ जारी भएसँगै नयाँ दिल्लीमा चलचित्र घर र व्यायामशाला खोल्न रोक लगाइएको छ ।

त्यस्तै, शपिङ सेन्टर तथा पसलहरु भनें जोरविजोर नम्बरका आधारमा बिहान १० बजेपछि राति ८ बजेसम्म खोल्न अुनमति दिइएको छ । दिल्लीमा यसअघि राति ११ बजेदेखि बिहान ५ बजेसम्म कफ्र्यू आदेश जारी गरिएको छ भने विद्यालय र क्याम्पसहरू बन्द भइसकेका छन् ।