संशोधित बजेट मार्फत सरकारले सामाजिक सञ्जालबाट कमाएको रकमको भुक्तानी लिदा एक प्रतिशत अग्रिम कर लिने भएको छ । शुक्रबार अर्थ मन्त्री जनार्दन शर्माले बजेटको प्रतिस्थापन विधेयक प्रस्तुत गर्दै यस्तो बताएका हुन् ।

मन्त्री शर्माले बोल्दै भने, ‘व्यसाय सञ्चालनमा संलग्न नरहेको कुनै बासिन्दा प्राकृतिक व्यक्तिले नेपालबाहिर सफ्टवेयर वा यस्तै प्रकृतिको अन्य विद्युतीय सेवा उपलब्ध गराए वा सामाजिक सञ्जालमा श्रव्यदृश्य सामग्री अपलोड गरे वापत विदेशी मुद्रा भुक्तानी प्राप्त गरेको भए सम्बन्धित बैंक, वित्तिय संस्था वा मुद्रा हस्तान्तरण मनि ट्रोन्सफर गर्ने संस्थाहरूले त्यस्तो भुक्तानी प्रदान गर्दा प्राप्त रकमको १ प्रतिशतका दरले अग्रिम कर अशुल गर्ने व्यवस्था मिलाएको छु ।’

भन्सार विन्दुमा भुक्तानी गर्नुपर्ने सम्पूर्ण कर तथा महशुल विद्युतीय प्रणालीबाट गर्न सक्ने व्यवस्था मिलाइने पनि उनले बताए ।