सर्वोच्च अदालतमा संविधानको धारा ७६ (५) बमोजिम केपी ओली र शेरबहादुर देउवा दुवैको प्रधानमन्त्री दावी अश्वीकार गरेको निर्णयविरुद्ध दुईथरी रिट सर्वोच्चमा पुगेका छन् । विपक्षी गठबन्धनले देउवालाई प्रधानमन्त्री घोषित गर्नुपर्ने मागसहित रिट निवेदन लिएर जान नभ्याए पनि आइतबार जेठ ७ गतेको राष्ट्रपतिको निर्णयविरुद्ध २५ वटा रिट सर्वोच्चमा पुगेका छन् ।

अध्ययनकै क्रममा रहेकाले कुनै पनि रिट दर्ता नभएको सर्वोच्च प्रशासनले जनाएको छ । अदालतमा ओली र देउवालाई प्रधानमन्त्री बनाउन माग गर्दै अलग अलग रिट सर्वोच्चमा पुगेका हुन् । उच्च अदालत बार पाटनका सचिव समेत रहेका अधिवक्ता कृष्ण भण्डारीले ओलीलाई धारा ७६ को उपधारा ५ अनुसार प्रधानमन्त्री नियुक्त गर्न माग गर्दै रिट सर्वोच्चमा पेश गरेका हुन् । यस्तै देउवालाई धारा ७६ को उपधारा ५ अनुसार प्रधानमन्त्री नियुक्त गर्दै २४ वटा रिट पनि अदालतमा पुगेका छन् ।