भौतिक पूर्वाधार तथा यातायात मन्त्री रेणु यादवले सप्तरीमा २ वटा सडकको शिलान्यास गरेकी छन् । ८० करोड लागतमा निर्माण हुने सप्तरीको रूपनी– राजबिराजको १० किलोमिटर सडक ४ लाइन र ४० करोड लागतमा निर्माण हुने न्यौर–राजबिराज १३ किलोमिटर सडकको शिलान्यास गरिएको हो ।

छिन्नमस्ता गाँउपािलकाको सख्डा र रूपनी गाँउपािलकाको रूपनीमा छुट्टाछुट्टै सडकको समेत शिलान्यास गरिएको छ । कार्यक्रममा जसपा अध्यक्ष उपेन्द्र यादवले मधेसको बिकास बिना देशका बिकास हुन नसक्ने भएकोले मधेसलाई प्रथमिकतामा राख्नु पर्ने बताए ।

भौतिक पुर्वाधार तथा यातायात मन्त्री यादवले काम नगर्ने ठेकेदारलाई कालो सुचीमा राखेर कारवाही अगाडि बढाएको बताईन । कार्यक्रममा मन्त्रालयका सचिव रबिन्द्र नाथ श्रेष्ठ, सडक बिभागका महानिर्देशक शिबहरि सापकोटा लगायतले शिलान्यास गरिउका सडक समय मै सम्पन्न गरिने बताए ।