बागलुङ सदरमुकाममा रहेको पुरानो बसपार्क जिर्ण बन्दै गइरहेको छ । जताततै फोहोर, पुराना पर्खाल र तार बार समेत जिर्ण हुदा जोखिम समेत बढेको छ । नयाँ सुविधा सम्पन्न बसपार्क बनेपनि सडक मार्ग नबन्दा संचालनमा आएको छैन ।
बागलुङ सदरमुकाममा रहेको पुरानो बसपार्क पहिरोको जोखिममा परेको छ ।

बागलुङ नगरपालिका वडा नम्बर ३ चिप्लेटीमा संचालन हुदै आएको बसपार्क वरिपरि सुरक्षाको लागि लगाइएको तारबाट सहितको वाल यतिबेला जथाभावी रूपमा फालिएको फोहोर मैलाकाको कारण जालीका तार कुहिदै गएपछि जोखिम बढेको हो ।

बसपार्कमा यातायात ब्यबसायीले जोखिम मोलेरै भए पनि बस पर्किङ गर्नु परेको छ । बसपार्क वरिपरि फोहोर मैलाका डंगुर छन भने कतिबेला पर्खाल भत्किने हो ठेगान छैन ।

ब्यबसायीले लाखौं रूपैयाँ लगानी गरेर खरिद गरेको बसहरू असुरक्षित रूपमा जोखिम मोलेर राख्नुपर्ने बाध्यता कायमै छ ।यसैबिच बागलुङ सदरमुकाममा सुविधा सम्पन्न नयाँ बसपार्क बागलुङ सम्पन्न भएको महिनौ बितिसक्दा समेत सडक मार्गको समस्यााले संचालनमा आउन सकेको छैन ।