चेतावनी अमेरिकी एक संस्थाले दिएको छ । अमेरिकी एक संस्था सेन्टर फर ग्लोबल डेभलपमेन्ट’ ‘सीडीजी’ले युद्धका कारण खाद्यान्न र इन्धनको मूल्य अत्यधिक वृद्धि भएका कारण गरिबी बढने चेतावनी दिएको हो । मूल्यवृद्धिको असर व्यापक रुपमा महसुस भएपनि सबैभन्दा धेरै असमान रुपमा गरिब देश प्रभावित हुने उसको भनाइ छ ।

सीडीजीले अन्न उत्पादक देशहरु, जी ट्वान्टी सहितलाई आफ्नो बजारलाई बिनासर्त खुल्ला राख्न, सरकार र अन्तर्राष्ट्रिय एजेन्सीहरुलाई ‘छिटो र उदारतापूर्वक’ काम गर्न सुझाव दिएको छ । युक्रेनमा रुसले आक्रमण गरेपछि विश्व बजारमा खाद्यान्न र इन्धनको मूल्य अत्यधिक वृद्धि भएको छ । विश्वमा उत्पादन हुने गहुँमा दश प्रतिशत रुस र युक्रेनको हिस्सा रहेको छ । विश्वको छ मध्ये एक भाग अति उर्वर भूमि रसिया र बेलारुसमा छ ।