धरानका भूमिहिन तथा सुकुम्बासीलाई जग्गा प्रदान गर्ने कार्य अघि बढेको छ । पहिले गरिएको लगत संकलन र अहिले थप भएका भूमिहिनका लागि जग्गा वितरण गर्न लागिएको हो । भूमि आयोग र धरान नगरपालिकाबीच भएको सम्झौताले भूमिहिन तथा सुकुम्बासीहरु खुशी भएका छन् ।

धरानमा रहेका भूमिहीन सुकुम्बासीको समस्या समाधानका लागि राष्ट्रिय भूमि आयोग र धरान उपमहानगरपालिकाबीच सम्झौता भएको छ । धरान उपमहानगरपालिकाको कार्यपालिका वैठकमा आयोगका केन्दीय अध्यक्ष केशव निरौला र धरान उपमहानगरपालिकाका प्रमुख तिलक राईले सम्झौता पत्रमा हस्तार गरेका छन् । भूमि आयोग गठन भएको लामो समयसम्म पनि सुकुम्बासी समस्या समाधान हुन नसक्दा २२ औं आयोगले यसलाई सम्पन्न गर्ने प्रतिबद्धता समेत गरिएको छ ।

धरान उपमहानगरपालिकाले सुकुम्बासी तथा भूमिहीनलाई लालपूर्जा प्रदान गर्न तत्कालिन मेयर स्व. तारा सुब्बाले धरान १३ राई टोलका सुकुम्बासी तथा भूमिहीनलाई घर नम्बर दिन पहल थालेका थिए । राष्ट्रिय भूमि आयोग नेपालका अध्यक्ष केशव निरौलाले समेत यो आयोगले अहिलेका भूमिहिन सुकुम्बासीको समस्यामा गम्भीर लाग्ने बताएपछि भूमिहीन सुकुम्बासीहरु आयोगप्रति अझ विश्वास बढेर गएको छ ।

यता धरान उपमहानगरपालिकाका प्रमुख तिलक राईलेविगतमा थाँति रहेको कामबाटै लगत संकलन गर्ने कामलाई तिरन्तता दिने बताए । उनले आयोगसँग गरिएको सम्झौता पूर्ण रुपमा उपमहानगरपालिकाले गर्ने प्रतिबद्धता व्यक्त गरे । उनले धरानमा रहेका भूमिहीन सुकुम्बासीलाई धरान उपमहानगरपालिकाले पूर्जा वितरण गरेर सम्पन्न गर्ने प्रतिबद्धता व्यक्त गरेका छन् ।

यता विगतदेखि नै भूमिहीन सुकुम्बासीको विषयमा आवाज उठाउदै आएका अभियन्ता सुवास राईले नेपालभर हालसम्म आयोगले १ लाख ४२ हजार विगाह जग्गा वितरण गरेको आफूहरुको तथ्यांकमा रहको बताए । केहीले पाए तर अझै पनि स्थायी प्रतिको धनीपूर्जा पाउन नसकेको उनको गुनासो थियो ।

तर यो सम्झौतापछि धरानमा कुनैपनि सुकुम्बासी र भूमिहीन नभई सबै धरानबासी हुने विश्वास सो अवसरमा व्यक्त गरिएको छ । यसले सुकुम्बासीहरुलाई केही आशा जागेपनि कही कतै शंसकित भने अझै रहेको देखिन्छ । अहिलेको आयोगले धरानको भूमिहीन सुकुम्बासी समस्या समाधान हुनेमा सबैले विश्वास गरेका छन् ।