नेपाल राष्ट्र बैंकका गभर्नर महाप्रसाद अधिकारीले आर्थिक वृद्धिदर ७ प्रतिशत पुर्याउन र मूल्यवृद्धि ६.५ प्रतिशतभित्रै कायम राख्न चुनौती रहेको बताएका छन । सिंहदरबारमा आइतबार बसेको प्रतिनिधिसभा अन्तर्गतको सार्वजनिक लेखा समिति बैठकमा अधिकारीले मुलुकभित्र उत्पादन घटेका कारण लक्ष्य भेट्टाउन चूनौति रहेको बताएका हुन । अघिल्ला वर्षहरुको तुलनामा यो वर्ष बैंकिङ प्रणालीमा दीर्घकालीन तरलताको समेत समस्या हुने उनको भनाई छ ।

अर्थमन्त्रालयका सचिव मधुकुमार मरासीनीले कोरोना संक्रमणबाट कम प्रभावित हुने गरी आर्थिक नीति बनाउनु पर्ने बताए ।सांसद अमनलाल मोदीले अर्थमन्त्रालय र राष्ट्र बैंकबीच नै मत बाझिएको आरोप लगाए ।बैठकमा सांसदहरुले अर्थतन्त्रलाई सहि दिशामा ल्याउन सम्बन्धीत निकायबीच सहकार्य हुनुपर्ने धारणा राखेका थिए ।