केही दिनदेखि लगातार बढेको शेयर बजारमा गिरावट आएको छ । बुधबार नेप्सेपरिसूचक ३० दशमलव ७५ अंकले गिरावट आएर २ हजार ६४९ दशमलव २० विन्दुमा झरेको छ । त्यस्तै ठूला कम्पनीको शेयर मूल्य मापक गर्ने सेन्सेटिभ इण्डेक्स पनि ६ दशमलव ६८ अंकले घटेको छ ।

आज २३६ कम्पनीको ९५ लाख ५९ हजार ४२९ कित्ता शेयर ४ अर्ब ६२ करोड १५ लाख ९८ हजार ५८३ रुपैयाँमा कारोबार भएको छ । १३ उपसमूहमध्ये जलविद्युत र फाइनान्स बाहेक अन्य सबै उपसमूह घटेका छन् । सबैभन्दा बढी शिवम् सिमेन्टको १८ करोड ७२ लाख रुपैयाँ बराबरको शेयर खरिदबिक्री भएको छ ।