शेयर बजार परिसूचक नेप्से २६ सय विन्दु नजिक पुगेको छ । साताको पहिलो दिन आइतबार नेप्से परिसूचक ७१ दशमलव २० अंक बढेर २५९१ दशमलव ४२ विन्दुमा पुगेको छ । नेप्सेसँगै कारोबार रकम पनि सुधार भएको छ । आज २३१ कम्पनीको ५ अर्ब १७ करोड ३२ लाख रुपैयाँ बराबरको ८६ लाख १ हजार कित्ता शेयर खरिदबिक्री भयो ।

आइतबार कारोबारमा आएका १३ उपसमूहमध्ये ११ उपसमूहको परिसूचक बढेको छ भने बाँकी २ उपसमूहको परिसूचक घटेको छ । बीमा कम्पनीहरुको शेयरमा लगानीकर्ताहरुको विशेष आकर्षण देखिएको छ । सबैभन्दा बढी जीवन बीमा उपसमूहको परिसूचक सर्वाधिक ९ दशमलव ७८ प्रतिशत बढेको छ भने निर्जीवन बीमा उपसमूहको परिसूचक ८ दशमलव १७ प्रतिशत बढेको छ ।

बीमा कम्पनीका चुक्ता पूँजी बढाउने हल्लाले अधिकांश जीवन बीमा कम्पनीको शेयर सर्किट लेबलमा कारोबार भएको छ । सबैभन्दा बढी नविल बैंकको ३२ करोडभन्दा बढीको शेयर खरिदबिक्री भएको छ ।