कोरोना नफैलियोस भनेर लगायइएको निशेधाज्ञाका कारण सहज रुपमा बजारमा तरकारी पाउन छोडेपछि जगंल वासपासका मानिसहरु जगंल गएर निगुरो टिपेर छाक टार्न थालेका छन । मोरगंको बेलवारीमा जगंलमा गएर तरकारीको गर्जो टार्न निगुरो टिप्न जानेको लर्को छ ।

निषेधाज्ञाको समयमा बजारमा सहज रुपमा तरकारी नपाउने तथा पाइएपनि अधिक महंगो भएको कारण जगंलमा निगुरो टिप्न आएको बेलबारी इमानसिहं चौककी अम्वीका सुयल वताउछिन । उनले बेलवारीमा रहेको चारकोशे झाडी क्षेत्रको जंगलमा धेरै निगुरो हुने भएकाले विक्री गर्नेहरुले समेत टिपेर लाने गरेपनि आफुहरु लकडाउनको समयमा छाक टार्नका लागि मात्र आउने गरेको बताईन ।

निशेधाज्ञाका कारण बजारमा सहज रुपमा तरकारी लिन जान नसकिने तथा आफुहरु पनि काममा जान नपाएर त्यसै बस्नु परिरहेको समयमा निगुरो टिप्न आउने गरेको जयवहादुर रम्तेल वताउछन ।

निम्म आर्य भएका मानिसहरु काममा जान नपाउदा दैनिक रुपमा चाहिने उपभोक्य तरकारी किनेर खान पनि समस्या भएकाले निगुरो टिप्ने गरेका छन । मोरगंको बेलबारी, कानेपोखरी, पथरी, लेटागं लगायतका क्षेत्रका जगंलमा त्यसै उम्रने जगंली निगुरो तथा जिब्री साग यस क्षेत्रको कतिपय मानिसहरुको रोजगारीको माध्यम समेत बनेको छ ।