शेयर बजारमा आइतबार नेप्से परिसूचक करिब तीन प्रतिशतले घटेको छ । कारोबारमा आएका अधिकाँश कम्पनीको शेयर मूल्यमा गिरावट आँउदा नेसे सूचक २ दशमलव ८६ प्रतिशतले घटेको हो ।

नेप्से सूचक ७५ दशमलव ७९ अंकले घटेर २५७२ दशमलव २२ विन्दुमा झरेको छ । बढ्दो कोरोनाको त्रास र लकडाउनको हल्लाले शेयर बजार पछिल्लो केहि दिन यता लगातार घट्न थालेको छ । आइतबार २१५ वटा कम्पनीको १ करोड ४६ लाख ९० हजार ७२० कित्ता शेयर ७ अर्ब २८ करोड ४१ लाख ९४ हजार ९०१ रुपैयाँमा खरिद बिक्री भएको छ ।

कारोबारमा आएका कम्पनीहरुमध्ये १७६ वटा कम्पनीको शेयरमूल्य घटेको छ भने ५ वटा कम्पनीको शेयरमूल्य मात्रै बढेको छ । सबैभन्दा बढी नेपाल इन्फ्रास्टक्चर बैंकको ३९ करोड ५२ लाख रुपैयाँ बराबरको शेयर कारोबार भएको छ ।