रगिंन बत्तिहरुको प्रकास अस्थायी खाजाका पसलहरुमा मानिसहरुको भिड दैनिक सुनसरीको सदरमुकाम इनरुवामा अचेल देखिन्छ । इनरुवा नगरपालिका वडा नम्बर ३ मा नगरपालिकाको समेत सहयोगमा सञ्चालनमा आएको रात्रीकालिन बजारमा मानिसहरुको भिड दैनिक देखिन थालेको हो ।

जिल्लाको पुरानो नगरपालिका भएपनि विकास निर्माणका दृष्टिकोणले पछि परेको इनरुवा नगरपालिकामा जनप्रतिनिधिहरु निर्वाचित भएर आएपछि देखि विकास निर्माणले गति लिन थालेसंग नयाँ नयाँका सोच सहितका कामहरु हुन थालेका छन । पछिल्लो समयमा नगरपालिकाकै नेतृत्वमा इनरुवा ३ सखुवागाछी अदालत रोडमा लाग्न थालेको रात्रीकालिन बजार यत्ति बेला चर्चामा रहेको छ ।

सडकका दुवै किनारामा रगिंन बत्तीहरु लगाइएका छन ,ठाउँहरुमा मोवाईल खाजा पसलहरु सञ्चालनमा आएका छन यसले स्थानीयलाई उत्साहित वनाएको छ ।

नगरपालिकाले पनि रात्रीकालिन बजारले नगरवासीहरुलाई व्यवसायी र रोजगारी प्रदान गर्ने विश्वास लिएको छ । नगरपालिकाले व्यवस्थित र मर्यादीत रुपमा सञ्चालन गराउने लक्ष्य सहित सञ्चालनमा ल्याएको रात्रीकालिन बजारले नगरको विकासका साथै रोजगारीमा समेत योगदान गर्ने नगरप्रमुख राजन मेहताले विश्वास गरेका छन ।

इनरुवा ३मा सुरु गरिएको रात्रीकालिन बजारले अन्य ठाउँमा समेत प्रेरणा प्रदान गर्दै मर्यादित रुपमा सुरु गर्ने विश्वास गरिएको छ । इनरुवामा पहिलो पटक सञ्चालनमा ल्याइएको एम आर स्ट्रीट पार्क सञ्चालनका लागि वडाका चारवटा टोल विकासको वैठक बसेर निर्णय गरेपछि सञ्चालनमा ल्याइएको एमआर स्ट्रीट पार्क व्यवस्थापन समितिका उपाध्यक्ष पदम भुजेलले वताए । नमुनाका रुपमा सञ्चालनमा आएको एमआर स्ट्रीट पार्क सबै मिलेर गर्दा राम्रो हुने विश्वास सहित आफुहरु लागेको समेत उपाध्यक्ष भुजेलले जानकारी दिए ।

रात्रीकालिन बजार सहित झिलिमिली वत्तीका कारण एमआर स्ट्रीट पार्क पछिल्लो समयमा अवलोकनकर्ताहरुको रोजाईमा पर्न थालेको छ ।