गण्डकी प्रदेशका मुख्यमन्त्री पृथ्वीसुब्बा गुरुङले भइरहेका विकास निर्माणका कामप्रति असन्तुष्टि जनाएका छन् । पोखरामा सुरु भएको नगर विकास कोषको गण्डकी प्रदेश स्तरीय प्रादेशिक कार्यशाला गोष्ठीमा मुख्यमन्त्री गुरुङले ४०–५० वर्ष टिक्ने स्तरीय बाटो किन बन्न नसकेको भन्दै विकासका कामप्रति प्रश्न उठाएका हुन् ।

मुख्यमन्त्री गुरुङले वैदेशिक सहायताबाट हुने विकास नेपालीको आवश्यकता अनुसार हुन नसकेको गुनासो पनि गरेका छन् । स्थानीय सरकार स्थायी सरकार भएकाले कार्यरत जनशक्तिको उचित व्यवस्थापन हुन सके जनताले सहज रुपमा सेवा पाउने उनको भनाइ छ ।