काठमान्डौको तारकेश्वर नगरपालीका ७ लक्ष्मीटारमा सुख्खा पहिरो गएको छ । बाटो नजिकै बनाईएको तारजालीको पर्खाल मरम्मत गर्ने क्रममा पहिरो जाँदा त्यस क्षेत्रमा यातायात अबरुद्ध भएको छ । बस्ती नजिकै ठूलो पहिरो गएपछि तारकेश्वर नगरपालीका प्रमुख रामेश्वर बोहोराले पहिरोस्थलको निरिक्षण गरेका छन् । बस्ती र बाटोलाई जोगाउन नगरपालीकाले भोलीबाटै पहिरो नियन्त्रण र बाटो निर्माणको कार्य सुरु गर्ने भएको छ ।

पर्खाल निर्माणमा ठेकेदारको लापरवाही देखिए कारवाही समेत हुने प्रमुख बोहोराले बताएका छन् । उक्त बाटो भएर बालाजुबाट सांग्ला, झोर र नुवाकोटसम्मका यातायात सञ्चालन हुने गरेका छन ।