कञ्चनपुरको वेदकोटमा बन्ने दैजी–छेला औद्योगिक क्षेत्रको सोमबार शिलन्यास हुने भएको छ । सुदूरपश्चिम प्रदेशकै औद्योगिक क्षेत्रमा महत्वपूर्ण मानिएको औद्योगिक क्षेत्रको सोमबार प्रधानमन्त्री केपी ओलीले उदघाटन गर्न लागेका हुन ।

औद्योगिक क्षेत्र स्थापना भए यहाँका नागरिकहरुलाई सुविधा हुनुका साथै युवाहरुले समेत आफ्नै क्षेत्रमा रोजगारीको अवसर पाउने स्थानीयको अपेक्षा छ । बढ्दो बेरोजगारीले विदेशतिर जाने गरेका युवाहरु र आउँदो नयाँ पुस्तालाई पनि आफ्नै क्षेत्रमा रोजगारी मिल्नेमा वेदकोटका स्थानीय विश्वस्त देखिन्छन् ।

कञ्चनपुरको वेदकोट दुई र ३ मा दैजी–छेला औद्योगिक क्षेत्र स्थापना हुन लागेको हो । विगत लामो समयदेखि चर्चामा रहेको बहुप्रतिक्षित दैजी–छेला औद्योगिक क्षेत्रको शिलान्यास गरी सुदूरपश्चिम प्रदेशको साझा परियोजनाका रूपमा अगाडि बढाउने सरकारको योजना रहेको छ ।