विश्व स्वास्थ्य संगठन डब्लूएचओले कोरोना भाइरसको डेल्टा भेरियन्ट तीव्र गतिमा फैलिरहेकोे भन्दै चिन्ता व्यक्त गरेको छ । डब्लूएचओले यही अनुपातमा डेल्टा भेरियन्ट फैलिरहेको अवस्थामा विश्वमै संक्रमण बढ्ने खतरा भएको भन्दै चिन्ता व्यतm गरेको हो । डब्लूएचओका अनुसार अहिलेसम्म डेल्टा भेरियन्ट ८५ देशमा फैलिसकेको छ ।

यसैरी पछिल्लो दुई हप्तामा मात्रै डेल्टा भेरियन्ट ११ देशमा फैलिएको पाइएको छ । त्यस्तै अहिलेसम्म कोरोना भाइरसको अल्फा भेरियन्ट एक सय ७० देशमा, बिटा भेरियन्ट एक सय १९ देशमा र गामा भेरियन्ट ७१ देशमा फैलिएको छ । डब्लूएचओले कोरोना भाइरसको संक्रमण फैलाउने अल्फा, बिटा, गामा र डेल्टा भेरियन्टको निगरानी गर्न थालेको समेत जनाएको छ । डेल्टा भ्रियण्ट अल्फा भेरियन्ट भन्दा तीव्र गतिमा फैलने गरेको पाइएको छ । डेल्टा भेरियन्ट भारत, नेपाल लगायत देशमा भेटिएको छ ।