इटालीमा केबलकार खस्दा कम्तीमा १२ जनाको मृत्यु भएको छ । आइतबार उत्तरी इटालीको माजीओरी ताल नजिकैको पहाडमा केबल कार खस्दा दुई बालबालिकासहित १२ जनाको मृत्यु भएको सरकारी अधिकारीहरुले जनाएका छन् ।

स्थानीय आपत्कालीन सेवासम्बन्धी निकायहरूका अनुसार स्ट्रेजा सहरबाट मोटारोने पर्वततर्फ यात्रु ओसारिरहेको केबल कार दुर्घटनामा परेको हो । अल्पाइन रेस्क्यू र आपत्कालीन हेलिकप्टर सेवा उद्धार कार्यमा खटिएका छन् । जंगलमा खसेको केबलकार क्षतविक्षत भएको छ ।