भारतमा देखिएको कोरोना भाइरसको नयाँ प्रकार भेरियन्टमा पनि कोरोना खोपले काम गरेको एक अध्ययनले देखाएको छ । भारत र बेलायती वैज्ञानिकको संयुक्त टोली गरेको अध्ययनमा उक्त भेरियन्टले खोपले शरीरमा विकास गरेको एन्टिबडीलाई छलेर संक्रमित भने बनाउन सक्ने पाइएको छ ।

अध्ययनका शोधकर्ता डा. अनुराग अग्रवालले अध्ययनको क्रममा यो भेरियन्टले आक्रमण गर्दा एन्टिबडीको बचाउने क्षमतामा कमी आएको पाईएको तर यो प्रभावहीन भने नभएको जानकारी दिएका छन । खोप लगाएका मानिसमा कोरोनाको संक्रमण देखिए पनि कसैमा पनि कोरोनाको गम्भीर लक्षण न देखिएको अध्ययनमा देखिएको बताईएको छ । दिल्लीस्थित एक अस्पतालमा कोरोनाबाट संक्रमित भएका र खोप लगाएका ३३ स्वास्थ्यकर्मीमा खोपको प्रभावकारीता अध्ययन गरिएको बताईएको छ ।