भारतमा पछिल्लो २४ घण्टामा कोरोना संक्रमितको संख्या ४ लाख नाघेको छ । पछिल्लो २४ घण्टामा ४ लाख १ हजार ३ सय बढीमा संक्रमण पुष्टि भएको भारतीय स्वास्थ्य मन्त्रालयले जनाएको छ । भारतको महाराष्ट्रमा सबैभन्दा धेरै संक्रमित भएका छन् । स्वास्थ्य मन्त्रालयका अनुसार भारतको नयाँ दिल्लीमा अक्सिजन अभावका कारण आज बिहान मात्रै १४ जनाको मृत्यु भएको छ ।

भारत विश्वमै कुल संक्रमित संख्याका आधारमा दोस्रो स्थानमा रहेको छ । भारतमा कोरोना संक्रमितको संख्या २ करोड १८ लाख ८६ हजार ६ सय बढी पुगेको छ । भारतमा दैनिक रुपमा संक्रमणबाट हुने मृत्युदरसमेत बढिरहेको छ । पछिल्लो विवरण अनुसार भारतमा मृतकको संख्या २ लाख ३८ हजार २ सय नाघेको छ ।