प्रमुख प्रतिपक्षी दल नेपाली कांग्रेसका सभापति शेरबहादुर देउवाले सरकार उद्घाटनको तडकभडकमा केन्द्रित हुँदा कोरोनाको संक्रमण बढेको बताएका छन् । आज आफ्नै निवासमा पत्रकार सम्मेलन गर्दै नियन्त्रणका लागि आवश्यक व्यवस्थापन फितलो भएको बताए । देउवाले लापरबाही र असंवेदनशीलता रोक्दै विज्ञहरूका सुझावका आधारमा कोरोना नियन्त्रणमा लाग्न सरकारलाई सुझाव दिए ।

सभापति शेरबहादुर देउवाले सांसदको संख्या नपुगेका कारण बैकल्पिक सरकार बन्न नसकेको बताए । जनता समाजवादी पार्टीले निर्णय नगर्दासम्म कांग्रेस र माओवादी केन्द्रको संख्याले मात्रै सरकार नबन्ने उनको भनाई थियो ।

देउवाले नेपाली कांग्रेसको महाधिवेशन निर्धारित मितिमै हुने बताए । उनले सभापति देउवाले एमसिसीबारे भ्रम फैलाइएकोमा असन्तुष्टि जनाए । देउवाले अमेरिकाले एमसिसी मार्फत सित्तैमा ठुलो सहयोग गरेको भएपनि अनेक किसिमका भ्रम र झुठा प्रचारहरु गरिएको बताए ।