भारतको असाममा आज बिहान शक्तिशाली भूकम्प गएको छ । भारतको राष्ट्रिय भूकम्प मापन केन्द्रका अनुसार बुधबार बिहान ७ बजेर ५५ मा ६ दशमलव ४ म्याग्निच्युडको भूकम्प गएको हो । भूकम्प गएका क्षेत्रमा ठूलो क्षति भएको खबर आइरहेको भएपनि यकिन विवरण अझै आइसकेको छैन । भारतको गुवाहटी र तेजपुरमा भूकम्पको ठूलो झट्का महसुस गरिएको थियो ।

भूकम्पको केन्द्रबिन्दु असामको तेजपुरबाट ४५ किलोमिटर पश्चिममा रहेको बताइएको छ । असाममा भूकम्प जाँदा त्यसको धक्का नेपालको पूर्वी क्षेत्रमा पनि महसुस गरिएको छ ।