रामधुनी । एकीकृत सामुदायिक विकास कार्यक्रममा आवद्ध भएपछि सुनसरीको रामधुनीका महिलाहरुले हासिल गरेको सफलताको कथाहरु सुनाएका छन ।
इटिसी नेपाल काठमाडौंको सहयोगमा सेभ द अर्थ सुनसरीले रामधुनी नगरपालिकाको विभिन्न चार वटा वडामा सञ्चालन गरेको एकीकृत सामुदायिक विकास कार्यक्रम अन्तरगत महिला सशक्तिकरण कार्यक्रममा आवद्ध महिलाहरुले कार्यक्रममा आवद्ध भएपछि हासिल गरेको सफलताको कथा वाचन गरेका हुन ।
विगत चार वर्ष देखि सेभ द अर्थले सञ्चालन गरिरहेको एकीकृत सामुदायिक विकास कार्यक्रम अन्तरगत महिला सशक्तिकरणका लागि सञ्चालित ४४ समुहमा आवद्ध महिलाहरुको सहभागितामा सफलताको कथा वाचन कार्यक्रम राखिएको एकीकृत सामुदायिक विकास कार्यक्रम रामधुनीका प्रमुख हरिनारायण चौधरीले जानकारी दिए ।

सफलताको कथामा महिलाहरुले एकीकृत सामुदायिक विकास कार्यक्रममा आवद्ध भएपछि हासिल गरेको सफलताको कथाहरु समेटेर प्रस्तुत गरेको समेत चौधरीले वताए ।
महिला सशक्तिकरण कार्यक्रम अन्तरगत समुह वनाएर महिलाहरुलाई विउ पुँजी उपलव्ध गराएर पशुपालन , व्यापार , सिलाईकटाई आदीमा सहभागिता गराइएको छ ।
विउ पुँजीको सदुपयोग गर्दै समुहमा आवद्ध महिलाहरुले आयआर्जन गर्न सफल हुन थालेका छन ।
सेभ द अर्थ सुनसरीका अध्यक्ष पुष्प भट्टराईको अध्यक्षतामा रामधुनी नगरपालिकाको झुम्कामा रहेको थारु महिला उत्थानको सभाहलमा भएको सफलताका कथा वाचन कार्यक्रममा समाज शास्त्रका अध्यापक विकास कार्की , इटिसी नेपालका कार्यक्रम अधिकृत आकास शाह लगायतका अतिथीहरुको सहभागिता रहेको थियो ।