सत्तारुढ नेकपा (माओवादी केन्द्र)ले यथास्थितिमा एमसीसी संसदमा टेबुल भए विपक्षमा मतदान गर्ने निर्णय गरेको छ । ्बुधबार सिंहदरवारस्थित संसदीय दलको कार्यालयमा बसेको संसदीय दलको बैठकले सरकारले एमसीसी परियोजना संशोधन नगरी संसदमा पेश गरे त्यसको विपक्षमा मतदान गर्ने निर्णय गरेको हो । माओवादीले एमसीसी परियोजनालाई संशोधन र परिमार्जन नगरी यथास्थितिमा संसदबाट पारित गर्न नसकिने निष्कर्ष निकालेको छ ।

राजनीतिक दलहरुबीच राष्ट्रिय सहमति नगरी एमसीसी अघि बढाउन नहुने माओवादीको भनाइ छ । सत्तारुढ दलको सहमतीबिना एमसीसी संसदबाट पारित भए गठबन्धन स्वत्ः तोडिने पनि प्रमुख सचेतक गुरुङले बताए ।

प्रवक्ता गुरुङले प्रमुख प्रतिपक्ष दल नेकपा(एमाले)ले सदन अवरुद्ध गरिरहेको अवस्थामा सदन सुचारु नभइकन कुनै पनि एजेण्डाहरु अगाडि बढ्न नसक्ने पनि स्पष्ट पारे ।