भारतको हिमाञ्चल प्रदेश र उत्तराखण्डको बीचमा पर्ने हिमाली क्षेत्रको पदयात्रामा गएका १२ पर्यटकको मृत्यु भएको छ । हिउँमा फसेर दुई छुट्टाछुट्टै टोलीका कम्तीमा १२ पदयात्रीको मृत्यु भएको हो । एक्कासी फेरिएको मौसमका कारण पदयात्रामा गएका पर्यटकहरुले भारी हिमापातमा परेर ज्यान गुमाएका हुन ।

उद्धार टोलीले शव निकालेर बेपत्ताहरुको खोजी कार्य तीब्र पारेको छ । हिमाञ्चल प्रदेशको आपत्कालीन उद्धार केन्द्रका अनुसार हिमाञ्चल प्रदेशबाट दुई शव र उत्तराखण्डबाट दश शव निकालिएको छ ।

दुई घाईतेको उद्दार गरिएको छ । पदयात्रामा गएका अन्य दुई जना अझै बेपत्ता छन् । मृत्यु हुने सबै भारतीय नागरिक हुन । सो क्षेत्रवाट ५९ जना पर्यटकको उद्दार गरिएको भारतीय सञ्चारमाध्यमले जनाएका छन ।