इटहरी । सुनसरी हब र पिस जोन आवासीय माध्यमिक विद्यालयको संयुक्त आयोजनामा पहिलो सुनसरी हब कन्भेन्सन २०८२ यही मंसिर २७ गते भव्य रूपमा सञ्चालन हुने भएको छ ।
शैक्षिक नवप्रवर्तन, गुणस्तरीय सीप विकास र विद्यार्थीहरूको सकृय सहभागितामार्फत नेतृत्व क्षमताको विस्तार गर्ने उद्देश्यसहित आयोजना गर्न लागिएको यो कन्भेन्सन सुनसरी जिल्लाकै ठूलो शैक्षिक सम्मेलनका रूपमा हेरिएको पत्रकार सममेलन गरि जानकारी गराएका थिए ।
कार्यक्रम हब कोअर्डिनेटर केशव प्रसाद भट्टराई, कन्भेन्सन कोअर्डिनेटर राज कुमार साह तथा किरण कोइराला, साथै लजिस्टिक्स एडमिन राहुल रायको नेतृत्वमा सञ्चालन हुनेछ ।
विद्यार्थीहरूको बहुआयामिक विकासलाई लक्षित गर्दैृ कन्भेन्सनमा विभिन्न सृजनात्मक, विश्लेषणात्मक र प्रतिस्पर्धात्मक कार्यक्रम समावेश गरिएका छन् ।
‘केस स्टडी प्रस्तुति’ र ‘प्यानल छलफल’ मुख्य आकर्षण हुनेछन् भने ‘कला तथा कोलाज’, ‘स्टोन आर्ट’, ‘ट्रेजर हन्ट’, ‘क्वालिटी क्विज’, ‘कथा निर्माण तथा प्रस्तुति’ जस्ता सहकार्यात्मक गतिविधिहरूले विद्यार्थीको समूह कार्य तथा सिर्जनात्मकता उजागर गर्नेछन्। साथै ‘सडक नाटक प्रतियोगिता’ जस्ता कार्यक्रमले सामाजिक सन्देशमार्फत विद्यार्थीको अभिव्यक्ति र प्रस्तुति क्षमतालाई थप प्रस्ट पार्ने अपेक्षा गरिएको छ ।

हब कोअर्डिनेटर केशव प्रसाद भट्टराइले कन्भेन्सनले विद्यार्थीलाई सम्पूर्ण गुणस्तरीय व्यक्तित्व विकासतर्फ उन्मुख बनाउनुका साथै सञ्चार, सहकार्य, समस्या समाधान क्षमता र आलोचनात्मक सोचलाई सुदृढ गर्ने उदेश्यले कन्भेन्सनमा प्रत्येक ११ विद्यालयबाट २३ जना विद्यार्थीहरु सहभागी हुने
बताए ।
आयोजकले जिल्लाका सम्पूर्ण पत्रकार तथा सरोकारवालाहरुलाई मंसिर २७ गते हुने कन्भेन्सनमा सहभागी भई प्रत्यक्ष रूपमा अनुभव लिन आग्रह गरेको छ ।