इटहरी । इटहरी जेसिजको ३८औँ शाखा अधिवेशन इटहरीमा उत्साह पूर्वक सम्पन्न भएको छ ।
इटहरी जेसिजको सभा हलमा भएको अधिवेशनमा २०२६ का लागि अध्यक्ष पदमा मिसन पराजुली ६६ मत सहित विजयी बनेका छन ।
११९ सदस्य रहेको जेसिजमा १११ सदस्यले मतदान गर्दै प्रतिस्पर्धी रामकृष्ण खड्काले ४२ मत प्राप्त गर्दै २४ मतको अन्तरले उपविजेतामा सीमित भएका थिए ।
उपाध्यक्ष पद तर्फ प्रमोद घिमिरेले ९९ मत र गणेश नेपालले ८२ मत हासिल गर्दै विजयी हुँदा अन्य प्रत्यासी सरोज श्रेष्ठले ३३ मत प्राप्त गरेका थिए ।
त्यसैगरी सचिव पदमा खगेन्द्र खतिवडा ७१ म्त सहित निर्वाचित भए भने प्रतिस्पर्धी निराजन पाण्डे ३८ मतमा रोकिए ।

जेसिज विधानअनुसार रहने पाँच उपाध्यक्षमध्ये चार पदमा क्रमशः विवेक घिमिरे १०६, स्वेच्छा श्रेष्ठ ९६, अभिषेक भण्डारी ९४ र सुदीप सुवेदी ९० मतसहित विजयी बने। यसपटक प्रतिस्पर्धी राजेश कट्टेल ४२ मतसहित पराजित भए ।
अध्यक्षमा निर्वाचित भएपछि मिसन पराजुलीले आगामी कार्यकाललाई ‘ऊर्जा, नवप्रवर्तन र एकताको आधारमा अघि बढाउने बताए ।

उनले युवालाई संगठित गर्दै नेतृत्व विकास, सामाजिक सेवा लगायतका प्रभावकारी कार्यक्रम मार्फत इटहरी जेसिजलाई नयाँ पहिचान दिलाउने र जेसिजलाई समयानुकूल रूपान्तरण गर्दै सक्षम, सक्रिय र समुदायमुखी संस्थाका रूपमा स्थापित गर्ने अध्यक्ष पराजुलीले जानकारी दिए ।