काठमाडौँ । प्रधानमन्त्री सुशीला कार्कीले आइतबार मन्त्रिपरिषद् विस्तार गर्न लाग्नुभएको छ। मौजुदा मन्त्रिपरिषद्मा चार जना नयाँ मन्त्री थपिने भएका हुन्। प्रधानमन्त्रीले नयाँ मन्त्रीहरूको नाम सिफारिस गरी राष्ट्रपतिसमक्ष पठाइसक्नुभएको सचिवालयले जनाएको छ।

सिफारिस अनुसार डा. सुधा शर्मालाई स्वास्थ्य तथा जनसङ्ख्या मन्त्री, गणपतिलाल श्रेष्ठलाई संस्कृति, पर्यटन तथा नागरिक उड्डयन मन्त्री, खगेन्द्र सुनुवारलाई श्रम तथा रोजगार मन्त्री र बब्लु गुप्तालाई युवा तथा खेलकुद मन्त्री बनाइने भएको छ।

प्रधानमन्त्री कार्कीको नेतृत्वमा बनेको सरकारले सुशासन र पारदर्शितामा जोड दिँदै मन्त्रालयहरूलाई सक्रिय बनाउन मन्त्रालय विस्तार गर्ने निर्णय गरेको हो। नयाँ मन्त्रीहरूले आजै राष्ट्रपतिसमक्ष पद तथा गोपनीयताको शपथ लिने कार्यक्रम तय भएको छ।

सरकारले हालका मन्त्रालयहरूको कार्यक्षमता बढाउन र आगामी नीति–कार्यक्रम प्रभावकारी बनाउन नयाँ टोलीले महत्वपूर्ण भूमिका खेल्ने विश्वास लिएको छ। यससँगै कार्की नेतृत्वको मन्त्रिपरिषद् विस्तारपछि सरकारले विकास, स्वास्थ्य, श्रम र पर्यटन क्षेत्रका कामलाई अझ गति दिने अपेक्षा गरिएको छ