इटहरी । नेवा मिसा दबु इटहरीको दोस्रो नगर अधिवेशन सम्पन्न भएको छ । अधिवेशनले जमुना मानन्धरको अध्यक्षतामा १५ सदस्यीय नयाँ कार्यसमिति सर्वसम्मत रूपमा चयन गरेको हो ।

निर्वाचित समितिमा उपाध्यक्षमा रिता श्रेष्ठ, सचिवमा रञ्जु श्रेष्ठ, सह–सचिवमा निर्मला प्रधान, कोषाध्यक्षमा सम्झना श्रेष्ठ रहेका छन् । त्यसैगरी सदस्यहरूमा गीता श्रेष्ठ, सबिता देवी प्रधान, रमिला श्रेष्ठ, कुमारी श्रेष्ठ लगायत रहेका छन् ।

अधिवेशनको अवसरमा संस्थापक अध्यक्ष अम्बिका श्रेष्ठलाई संस्थाको स्थापना तथा विस्तारमा पु(याएको योगदानको कदर गर्दै सम्मान गरिएको छ । प्रमुख अतिथि नेवा देय दबुकी केन्द्रीय सदस्य विमला प्रधानले श्रेष्ठलाई सम्मान गरेकी थिन ।

नेवा मिसा दबु इटहरीले महिला नेवारी समुदायबीच भाषा, संस्कार, संस्कृति र कलाको संरक्षणमा जोड दिँदै युवा पुस्ताको सक्रिय सहभागिता सुनिश्चित गर्दै आएको जनाएको छ ।

उद्घाटन सत्रमा नेवा पुच इटहरीका अध्यक्ष कालीदास श्रेष्ठ, नेपा बहुउद्देश्यीय सहकारी संस्थाका अध्यक्ष जितेन्द्र श्रेष्ठ , नेवा देः दबु इटहरीका अध्यक्ष लक्ष्मिभक्त श्रेष्ठ, नेवा मिसा पुचकी अध्यक्ष गंगा श्रेष्ठ लगायतको आतिथ्य रहेको थियो । अधिवेशनको उद्घाटन सत्र कार्यवाहक अध्यक्ष जमुना मानन्धरको अध्यक्षतामा सम्पन्न भएको हो ।