-
काठमाडौं । नेकपा ९एमाले०का पोलिटब्युरो सदस्य तथा पूर्वमन्त्री महेश बस्नेतले आफूलाई पक्राउ गरेर देखाउन सरकारलाई चुनौती दिएका छन्।
एक महिलाले दिएको उजुरीका आधारमा प्रहरीको साइबर ब्युरोमा बयान दिएलगत्तै उनले बुधबार काठमाडौंमा पत्रकार सम्मेलन गर्दै सरकारलाई यस्तो चुनौती दिएका हुन्।
पूर्वमन्त्री बस्नेतले आफूहरू अब “डिजिटल फोर्स” गठन गरेर जेनजी आन्दोलनका क्रममा भएका आगजनी, लुटपाट र हत्याकाण्डको अनुसन्धान गर्न र दोषीमाथि कारबाहीको मागसहित जाहेरी दिने बताएका छन्।
उनले भने, “मलाई समातेर देखाउनुस्। विधि र लोकतन्त्रको पक्षमा लड्नेहरू देश र जनताको पक्षमा जेल जान तयार छन्, तर कसैले लगाएको निराधार आरोप सह्य हुँदैन। जेनजी सरकारले आगजनी, लुटपाट र हत्यामा संलग्नहरूलाई कारबाहीको दायरामा ल्याओस्।”
बस्नेतले हालको सरकारले आगामी फागुन २१ गते घोषणा गरिएको निर्वाचनमाथि पनि आशंका उत्पन्न गरेको टिप्पणी गरे।
सम्बन्धित शीर्षकहरु
