इटहरी । इटहरी उपमहानगरपालिकाको कार्यपालिका वैठक उपमहानगरपालिका परिषरको भईमै बसेकोे छ ।

जेनजी आन्दोलनका क्रममो इटहरी उपमहानगरपालिकामा आगजनी र तोडफोड भएको थियो , आगजनी र तोडफोडका कारण कार्यपालिकाको वैठक भईमै बसेको हो । उपमहानगरपालिका प्रमुख हेमकर्ण पौडेलको अध्यक्षतामा बसेको कार्यपालिका वैठकमा जेनजी आन्दोलनमा घुसपैठ गरी उपमहानगरपालिकामा क्षति पुर्याएको भन्दै आगजनी र तोडफोड गर्नेहरु कारवाही गर्नु पर्नेमा सदस्यहरुले जोड दिएका थिए ।

उपप्रमुख संगीता कुमारी चौधरी सहित कार्यपालिका सदस्यहरुको सहभागिता रहेको वैठकपछि नगरप्रमुख पौडेलले जनताका अत्यावश्यक कामहरुलाई मध्यनजर गर्दै जस्तो सुकै परिस्थती भएपनि आगामी असोज ४ गतेबाट उपमहानगरपालिकाको सामान्य सेवाहरु सञ्चालनमा ल्याइने जानकारी दिए ।

यही भाद्र २३ र २४ गते जेनजी आन्दोलनका क्रममा उपमहानगरको भवनमा आगजनी सहित तोडफोड भएका कारण पुर्ण रुपमा तत्काल सेवा सञ्चालन गर्ने अवस्था भने देखिदैन । आन्दोलनका क्रममा नगरप्रमुख पौडेलको कार्यकक्ष पुर्ण रुपमा ध्वस्त गरिएको थियो भने अन्य महाशाखा , शाखा , वारुण यन्त्र लगायतका सवारी साधनहरु समेत आगजनी र तोडफोड गरिएको थियो । सो आन्दोलनका समयमा इटहरी उपमहानगरपालिका सहित नगरप्रमुख पौडेलको घर , इटहरीमा रहेका सरकारी कार्यालयहरुमा समेत आगजनी र तोडफोड भएको थियो ।