इटहरी । यामाहा ब्राण्डले नेपाली युवाहरुले रुचाइ रहेको एम टि फिप्टीन भी टु र एफजेड एस भि थ्रि नयाँ कलरमा ल्याएको छ ।

सुनसरीको इटहरीमा रहेको यामाहा कम्पनीको मोटरसाईकल तथा स्कुटरहरुको आधिकारिक विक्रेता तिरुपति अटो सिटिले  एम टि फिप्टीन भी टु र एफजेड एस भि थ्रि नयाँ कलरमा विक्री वितरणमा ल्याएको हो । एम टि फिप्टीन भी टु र एफजेड एस भि थ्रि मोटरसाईललाई मन पराई रहेका नेपाली युवाहरुले रुचाएको कलर ल्याएर विक्री गर्न थालेको तिरुपति अटो सिटीका सञ्चालक संयोग पराजुलीले जानकारी दिए । नयाँ कलरमा विक्रीका  ल्याइएका उक्त मोटरसाईकलहरु एमएडब्लु इन्टरप्राइजेजका रविन श्रेष्ठ नेपाल जेसिजका पुर्व कार्यकारी उपाध्यक्ष भीम कुवँर र तिरुपति अटो सिटीका सञ्चालक पराजुली संयुक्त रुपमा सार्वजनिक गरेका हुन सो अवसरमा नेपाली युवाहरुले यामाहाका मोटरसाईकलहरु रुचाई रहेका र यामाहाका मोटरसाईकल स्टाइल ,पर्फमेन्स र इनोभेसनका दृष्टिकोणले उपयुक्त रहेको एमएडब्लु इन्टरप्राइजेजका रविन श्रेष्ठले जानकारी दिए । कार्यक्रमका प्रमुख अतिथी  उद्योग वाणिज्य संघ इटहरीका अध्यक्ष जिवन पराजुलीले यामाहाका मोटरसाईकलहरु नेपाली उपभोक्ताहरुको रोजाईमा परिरहेको वताए । यामाहाका मोटरसाईकलहरु नेपाली वाटो सुहाउदो रहेको सो अवसरमा जानकारी गराइयो ।