इटहरी । भाद्र कृष्ण अष्ठमीका दिन सुनसरीको इटहरीमा रहेको राधाकृष्ण शिव मन्दिरमा विशेष धुमधामका साथ कृष्ण जन्माष्ठमी मनाउने र भोली पल्ट राधाकृष्णको रथ यात्रा निकाल्ने गरिए झै यस वर्ष पनि रथ यात्रा निकालिएको छ ।

  राधाकृष्ण शिव मन्दिरमा औपचारिक कार्यक्रमको आयोजना गरि रथ यात्रा निकालिएको हो । राधाकृष्ण शिव मन्दिर सञ्चालक  समितिका अध्यक्ष विश्व रिजालको अध्यक्षता तथा इटहरी उपमहानगरपालिका प्रमुख हेमकर्ण पौडेलको प्रमुख आतिथ्यमा औपचारिक कार्यक्रमको आयोजना गरि इटहरीमा राधाकृष्णको रथ यात्रा निकालियो । राधाकृष्ण शिव मन्दिरबाट सुरु भएको रथ यात्रा मुख्य चोक हुदै पश्चिम टफिक अफिस , हुदै आर्मी क्याम्प छेउ भएर पुन मुख्य चोक आइपुगेर पुर्व मिलन चोक सम्म पुगेर पुनः राधाकृष्ण शिव मन्दिरमा आएर रथयात्रा समापन गरियो । रथयात्रामा ठुलो संख्यामा भक्तजनहरुको सहभागिता रहेको थियो ।  रथयात्रामा सहभागी भक्तजनहरुलाई लक्षित गरी विभिन्न  संघ सस्थाहरुले ठाउँठाउँमा पिउने पानी र सर्वतको समेत व्यवस्था मिलाएका थिए ।  रथयात्रामा  भक्तजनहरु श्रीकृष्णका भर्जनकिर्तनमा नाचगान गर्दै उत्साहपुर्वक सहभागिता जनाएका थिए । 
रथ यात्राका क्रममा विभिन्न देवदवीका रुपमा मानिसहरुलाई सजाएर धार्मिक झाकी पनि निकालिएको थियो । 
रथयात्रामा ब्रह्माकुमारी राजयोग सेवा केन्द्र इटहरी , विभिन्न सुरक्षा निकायका सुरक्षाकर्मीहरु , इस्कोन इटहरी , नेवा पुचः इटहरी , हलुवा सेवा समिति इटहरी , पतञ्जली योग समिति इटहरी लगायतका संघसस्थाहरुको संस्थागत रुपमा सहभागित रहेको थियो । रथ यात्रा निकाल्नु भन्दा अघि आयोजना गरिएको औपचारिक कार्यक्रममा इटहरी उपमहानगरपालिका उपप्रमुख संगिताकुमारी चौधरी , कोशी प्रदेश सभा सदस्य मिना कुमरी श्रेष्ठ , इटहरी उपमहानगरपालिका वडा नम्बर ५का वडाध्यष भिष्मकुमार घिमीरे ,समाजसेवी मुकुन्द भट्टराई , पतञ्जली योग समिति इटहरीकी अध्यक्ष उर्मिला कटुवाल , छट सेवा समितिका अध्यक्ष मनोज चौधरी लगायतको आतिथ्य रहेको  थियो ।