इटहरी । इन्ट्याक क्लव अफ विश्व आर्दशको ५औं पदस्थापना कार्यक्रम सम्पन्न भएको छ ।
क्लवका अध्यक्ष आश्रित न्यौपानेको अध्यक्षता तथा रोटरी क्लव अफ इटहरीका अध्यक्ष डिसी चौधरीको प्रमुख आतिथ्यमा पदस्थापना कार्यक्रम सम्पन्न भएको हो । केही दिन अघि सर्वसम्वर्त रुपमा चयन भएको नयाँ कार्यसमितिको पदस्थापना गरियो । नयाँ कार्यसमितिका अध्यक्ष सुशान्त कर्णलाई निवर्तमान अध्यक्ष आश्रित न्यौपानेले पद हस्तान्तरण गरेसंगै नयाँ कार्यसमितिलाई नयाँ कार्यसमितिका अध्यक्ष कर्णले सपथ ग्रहण गराएका थिए ।

हालै गठन भएको नयाँ कार्यसमितिको उपाध्यक्षमा निश्चिता निरौला सचिव साइमा कार्की, सह सचिव सिद्धान्त निरौला कोषाध्यक्ष आदित्य सापकोटा र सह कोषाध्यक्ष रोमिसा कार्की रहेका छन । नयाँ कार्यसमितिका पदाधिकारी, विभिन्न संयोजकहरु समेतलाई सपथ गराइयो । कार्यक्रममा विश्व आर्दश कलेजका प्राचार्य गणेशकुमार दुलाल , सहायक प्रध्यानाध्यापक मोहन प्रसाद निरौला इन्छ्याक क्लव अफ इटहरीकी पुर्व अध्यक्ष सिमला धिताल लगायतको आतिथ्य रहेको थियो ।