इटहरी । विद्यार्थीहरूलाई उच्च शिक्षाका लागि आवश्यक शैक्षिक परामर्श तथा भिजा सेवा प्रदान गर्दै आइरहेको एक्सपर्ट एजुकेशन एण्ड भिजा सर्भिसले आफ्नो २२ औं स्थापना दिवस इटहरी शाखामा विशेष कार्यक्रमका साथ मनाएको छ ।
अस्ट्रेलियामा केन्द्रीय कार्यालय रहेको संस्थाको इटहरी शाखाले सन् २०१६ देखि नियमित सेवा प्रदान गर्दै आइरहेको हो ।
स्थापना दिवसको अवसरमा संस्थाले सामाजिक उत्तरदायित्व अन्तर्गत विविध कार्यक्रमहरू सञ्चालन गरेको जानकारी दिएको छ ।
शाखा प्रवन्धक कलम तिम्सिनाका अनुसार, इटहरी शाखाको सफलताले प्रेरित भई खोलिएका धरान र विराटनगर शाखाहरूले समेत आ–आफ्नो स्थानबाट स्थापना दिवस मनाएका छन् ।

स्थापना दिवसकै अवसरमा धरानमा आयोजित रक्तदान कार्यक्रममा ५१ जनाले रक्तदान गरेका थिए। त्यस्तै, मोरङको सुन्दरहरैंचास्थित शेष नारायण मन्दिरको गुरुकुलमा खाद्यान्न, ह्वाइट बोर्ड तथा अन्य शैक्षिक सामग्रीहरू प्रदान गरिएको तिम्सिनाले बताए ।
एक्सपोट एजुकेशन एण्ड भिजा सर्भिस इटहरी शाखा मार्फत ४ सयभन्दा बढी विद्यार्थीहरू अस्ट्रेलिया, अमेरिका, युके लगायतका विभिन्न मुलुकका प्रतिष्ठित विश्व विद्यालयहरूमा अध्ययनका लागि सफलता पूर्वक पठाइएको समेत जानकारी दिइएको छ ।
स्थापना दिवसको अवसरमा संस्थाले आफ्नो सेवा यात्रा, सफलताहरू तथा भविष्यमा गर्ने योजनाका विषयमा जानकारी गराए ।