इटहरी । नेपाली हिन्दु महिलाहरुको महान चाड हरितालिका तीज नजिकी रहेको समयमा आपसी सदभावमा जोड दिदै इटहरीमा संगीत चौक महिला र्कितन समुहले तीज दर विशेष कार्यक्रम आयोजना गरेको छ ।

समुहमा आवद्ध महिलाहरुको सक्रियतामा तीज दर विशेष कार्यक्रम आयोजना गरिएको हो । समुहकी अध्यक्ष पिगंला कोइरालाको अध्यक्षता तथा इटहरी उपमहानगरपालिका वडा नम्वर ६का वडाध्यक्ष दिवस पोखरेलको प्रमुख आतिथ्य मा भएको तीज विशेष कार्यक्रममा बुहारी तथा छोरीहरुले सासु ,आमाहरुलाई मायाको चिनो सहितका उपहार प्रदान गरेका थिए भने आमा सासुहरुलाई दर खुवाएर ।

तीजका गितमा सासु ,आमा, वुहारी छोरीहरु एक साथ रमाइलो गरेर नाच गान समेत गरेका थिए । कार्यक्रममा वोल्दै प्रमुख अतिथी वडाध्यक्ष पोखरेलले पारिवारिक साथै सामाजिक एकता यस प्रकारका कार्यक्रमहरुले सघाउ पुर्याउने वताए । तीज नजिकीएसंगै इटहरी लगायतका ठाउँहरुमा महिलाहरुको सहभागितामा तीज विशेष कार्यक्रमहरु आयोजना गर्ने गरिएको छ ।