इटहरी। धार्मिक जागरणमा जोड दिदै सुनसरीको इटहरीमा प्रतियोगितात्मक हनुमान चालिसा वाचन कार्यक्रम आयोजना गरिएको छ ।
बालाजी जेष्ठ नागरिक समाज इटहरीको आयोजनामा प्रतियोगितात्मक हनुमान चालिसा वाचन कार्यक्रम गरिएको हो । धर्म ,संस्कृत संरक्षण तथा आध्यात्मिक चेतना वढाउने उद्धेश्यले खुल्ला रुपमा प्रतियोगिता हनुमान चालिसा वाचन कार्यक्रम आयोजना गरिएको कार्यक्रमका संयोजक कृष्णविनोद लम्सालले जानकारी दिए ।

किसान कल्याण वचत तथा ऋण सहकारी संस्थाको सहआयोजना रहेको प्रतियोगितात्मक हनुमान चालिसा वाचन कार्यक्रममा २२जनाको सहभागिता रहेको थियो । बालाजी जेष्ठ नागरिक समाजका अध्यक्ष जीवनाथ नेपालको अध्यक्षता तथा शिक्षासेवी लेखनाथ घिमीरेको प्रमुख आतिथ्यमा भएको प्रतियोगिताको निर्णायकमा पंण्डित गणेशप्रसाद ढकाल, सामाजिक अभियन्ता खेमराज अधिकारी , धु्रव राज गौतम रहेका थिए भने प्रतियोगितामा जगदिस सापकोटा प्रथम ,शोभा खड्का दोस्रो , खिना खतिवडा तेस्रो र शान्त्वना मञ्जु कार्की भएका छन ।

प्रतियोगितामा प्रथम ,दोस्रो , तेस्रो र शान्त्वना हुनेलाई कार्यक्रमका प्रमुख अतिथी घिमीरे लगायतले पुरस्कृत गरेका थिए । कार्यक्रममा किसान कल्याण वचत तथा ऋण सहकारी संस्था लिमिटेडका अध्यक्ष शालिकराम ढकाल, इटहरी उपमहानगरपालिका वडा नम्बर १६की वडासदस्य खिना खतिवडा लगायतको आतिथ्य रहेको थियो ।